Fimleikafélagið Björk 75 ára
- fbjork
- 5 days ago
- 2 min read
Kæru vinir, gestir, velunnarar og Bjarkarfólkið okkar!
Við viljum senda ykkur innilegar þakkir fyrir einstaka helgi sem við áttum saman í Björk.
Fimleikafélagið Björk verður 75 ára þann 1.júlí ár, en sl. helgi var öllu tjaldað til með pompi og prakt í tilefni þess. Vorsýningar ársins voru 5 talsins og skein Hollywood þema sýninganna í gegn með glimmeri, glamúr og rauða dreglinum!
Enn á ný sýndu iðkendur félagsins hvað dugnaður, þjálfun og gleði geta skapað þegar allir leggjast á eitt. Það var virkilega ánægjulegt að sjá fjölskyldur, vini og velunnara fylla salina og taka þátt í þessari árlegu uppskeruhátíð félagsins.
Þakkir til allra þjálfara félagsins, iðkenda og sjálfboðaliða sem gerðu helgina ógleymalega. Rúmlega 1.100 áhorfendur mættu á vorsýningar helgarinnar sem er áhorfendamet í húsinu okkar. Félagið skapaði bæjarhátíð í Haukahrauninu með hoppuköstulum, andlitsmálningu, Blaðrarinn mætti á svæðið, Skátafélagið, poppvél, candy-floss og pylsutjald á heimsmælikvarða.
Svona viðburðir verða einfaldlega ekki til nema vegna fólksins sem stendur að baki þeim.
Þakkir til allra gesta sem mættu á 75 ára afmælishátíðina í Flensborg á laugardeginum og þökkum við viðurkenningahöfum fyrir þeirra framlag til félagsins í gegnum árin. Alls voru veitt 17 starfsmerki, 17 Silfulauf, 4 Gulllauf og ein Heiðursviðurkenning.
Heiðursfélagi 2026 er Hafsteinn Þórðarson. Framlag Hafsteins til félagsins yfir 3 áratugi er okkur ómetanlegt og erum við honum afar þakklát.
Í tilefni af afmælinu lét félagið gera sérstakt myndband um sögu Bjarkar. Á meðan við vinnum að útgáfu lengri útgáfu síðar á árinu viljum við benda ykkur á stuttan kynningarstiklu sem var frumsýnd á afmælishátíðinni:
Sjá myndband - [https://youtu.be/Jhcxa1UBiRU
Við erum ótrúlega þakklát fyrir stuðninginn og þátttökuna.
Það sem stendur uppi er samheldnin sem var áþreifanleg alla helgina og gleðin sem skein úr augum iðkenda okkar! Þegar stór verkefni eru fram undan sjáum við hvað við eigum marga góða að og hversu sterk tengsl hafa myndast innan félagsins í gegnum árin. Það er sannarlega eitthvað til að vera stolt af.
Takk fyrir að gera þessa helgi svona sérstaka!
Áfram Björk! 💙
