Í Íþróttamiðstöðinni Björk er 7 metra hár og 20 metra breiður inniklifurveggur. Hann er með 14 topp línur og eru 2-4 leiðir fyrir hverja línr auk þess eru fjölmargar boulderleiðir. Fyrirhugað er að setja upp bouldervegg sem bíður þá upp á enn fjölbreyttari æfingar í íþróttinni. Vonast er til að hann verði kominn í gagnið á vorönn 2009.

Klifur er skemmtileg íþróttagrein og er búin að vera starfandi í félaginu síðan 2002. Haldin hafa verið fjölmörg námskeið bæði sumar og vetrar námskeið. 7 hópar barna frá 8 ára aldri æfa nú 2-4 sinnum í viku.
Klifur er tilvalin fjölskylduíþrótt sem allir geta stundað og læra þátttakendur að taka ábyrgð hver á öðrum.
Klifur á innanhúsveggjum gefur góða undirstöðu fyrir margskonar útivistarathafnir.
Sérstök námskeið fyrir foreldra eru haldin 2 sinnum á ári og eru þau auglýst sérstaklega.