Grunnupplýsingar:
Fimleikafélagið Björk
Haukahrauni 1,
220 Hafnarfjörður
sími: 565 2311
email: fbjork@fbjork.is
heimasíða: www.fbjork.is
kt. 550110-1130

Þjónusta:
Skrifstofan er opin alla virka daga kl. 13.00-15.30.  Sími á skrifstofu er 565 2311.
Bendum á að senda fyrirspurnir á fbjork@fbjork.is.  Við svörum öllum tölvupóstum.  Ef við náum ekki að svara símhringingum flyst símtalið í símsvara og hvetjum við fólk til að leggja inn skilaboð sem verður svarað eins fljótt og hægt er.

Uppgjör æfingagjalda:
Farið er þess á leit við foreldra/forráðamenn iðkenda að þeir gangi frá æfingagjöldum annað hvort skv. lið A) eða B) hér að neðan:

A)  Millifæra inn á reikn. okkar nr. 1101-15-200757, kt. 550110-1130.  Sendið staðfestingu á greiðslu á netfang okkar fbjork@fbjork.is (kt. iðkanda).  Sé þessi leið farin er nauðsynlegt að greitt hafi verið 50% æfingagjalda skv. verðskrá fyrir 15. sept. (haustönn) / 15. janúar (vorönn) og 100% fyrir 5. sept. (haustönn) / 5. mars (vorönn).

B)  Að fylla út léttgreiðsluseðil (hægt að nálgast á skrifstofu) þar sem hægt er að skipta fjárhæð æfingagjalda niður að vild á mánuði vorannar, og skila inn á skrifstofu til okkar.

Hafi æfingagjöld ekki verið greidd skv. ofangreindum liðum A) og B) fyrir 15. sept./15. jan. verður heildarfjárhæð æfingagjalda innheimt í einu lagi, með þeim kostnaði sem því fylgir, í gegnum heimabanka greiðanda.

Sé greiðandi í vafa um skulda- eða inneignastöðu iðkanda (t.d. vegna styrks frá Hafnarfjarðarbæ) sendið þá fyrirspurn á fbjork@fbjork.is og við sendum ykkur yfirlit yfir hreyfingar og stöðu um hæl.  Varðandi endurgreiðslur á styrkjum Hafnarfjarðarbæjar, sjá lið e) í reglum um innheimtu æfingagjalda hér að neðan.

Verðskrá vorannar 2012, sjá hér!  Verð fyrir iðkendur miðast við íþrótt og fjölda tíma í viku sem iðkandi æfir.

Reglur um innheimtu æfingagjalda:
a)  Iðkendur geta ekki hafið æfingar á námskeiði (önn/sumarnámskeið) nema vera skuldlausir eða hafa áður samið um uppgjör eldri skulda.
b)  Æfingagjöld eru fyrir heil námskeið.  Hætti iðkandi fyrir lok námskeiðs fær hann því ekki endurgreitt, nema rök knígi á um annað.
c)  Hefji iðkandi æfingar á miðju námskeiði greiðir hann æfingagjöld hlutfallslega frá fyrstu æfingu.
d)  Fimleikafélagið Björk áskilur sér rétt til að fella niður námskeið og endurgreiða iðkendum ef ekki fæst næg þátttaka.
e)  Foreldrar/forráðamenn þurfa að sækja um styrk fyrir íþróttaiðkun iðkanda hjá Hafnarfjarðarbæ á tilsettum tíma.  Félagið mun endurgreiða styrki til iðkenda hafi þeir borist félaginu.  Skulda-/eignastaða iðkenda hjá félaginu er leiðrétt um fjárhæð innborgaðra styrkja um leið og þeir eru greiddir inn til félagsins.  Foreldrar/forráðamenn/iðkendur geta hvenær sem er fengið yfirlit yfir skulda-/eignastöðu sína hjá félaginu.  Styrkurinn miðast við að iðkandinn stundi íþróttina á æfingatímabilinu.
f)  Fjölskylduafsláttur er 10%.
g) Byrjendum er boðið uppá einn prufutíma. 

Æfingatímabilið:
Haustönn er 16 vikur hjá almennum hópum og hefst í byrjun september (eða lok ágúst) og lýkur með jólasýningu um miðjan desember.  Vorönn er 20 vikur hjá almennum hópum og hefst upp úr áramótum og lýkur með vorsýningu seinnipartinn í maí. 

Afrekshópar félagsins eru um 18 vikur á haustönn og þeir hópar ganga jafnframt frá æfingagjöldum út ágúst (frí í júlí) við uppgjör á vorönn, þ.e. fyrir 30 vikur.

Greiðslur fyrir leigu á sal:
Greiðslu fyrir leigu á sal á að leggja inná reikning nr. 1101-15-200758, kt. 550110-1130.
ATH!  Munið að senda kvittun fyrir greiðslu á netfang okkar: fbjork@fbjork.is (dags. leigu).

Starfsfólk skrifstofu:        
Guðjón Guðmundsson, framkvæmdarstjóri, netfang: gutti@fbjork.is
Hafsteinn Þórðarson, bókhald, fjárreiður og innheimta, netfang: hafsteinn.th@simnet.is

Þjónusta í íþróttamiðstöð:
Í afgreiðslu Íþróttamiðstöðvarinnar er hægt að nálgast óskilamuni.  Síminn þar er 564 0730.  Einnig ber að tilkynna öll veikindi þangað.  Hægt að greiða fyrir leigu á sal, í pottinn og í gufu, í andyri.

Uppbygging félagsins:
Lög félagsins er hægt að nálgast hér!

Handbók félagsins er hægt að nálgast hér (ATH. Uppfærsla á handbók er fyrirhuguð fyrir vorönn 2011)!  Í inngangi handbókar stendur: "Hlutverk þessarar handbókar er að vera stjórnum og starfsmönnum Fimleikafélagsins Björk sem og iðkendum hjá félaginu og foreldrum/forráðamönnum þeirra til upplýsinga um skipulag og starfsemi Fimleikafélagsins Björk."

Auk þessa gefa deildir félagsins út upplýsingarit um markmið og innra skipulag deilda.  Þau má nálgast hér:  Fimleikadeild, klifurdeild, taekwondodeild, almenningsdeild.