Fimleikadeildin hefur það að markmiði sínu að sem flestir geti stundað fimleika við sitt hæfi hvort sem valið er að stunda fimleika sem keppnis- og afreksíþórtt eða sem líkamsrækt og vegna félagsskapsins.

Til þess að hver einstaklingur innan deildarinnar fái það besta við sitt hæfi er nauðsynlegt að skipta nemendum í hópa. Æfingaálag og tímafjöldi verður að passa getu og aldri einstaklings. Flokkur á við einn eða fleiri hópa sem æfa og keppa undir sama markmiði og kröfum. Flokkur er merktur með bókstaf og hópur er merktur með bókstaf og tölustaf. T.d. F er flokkur en F2 er hópur.
Mót
Flestir flokkar deildarinnar taka þátt í mótum. Markmiðið með þátttökunni getur verið aftar mismunandi, frá því að vera með og að sigra. Bjarkirnar hafa að leiðarljósi að sérhver nemandi sem keppir á móti ráði við þær æfingar sem hann keppir í bæði líkamlega og andlega. Íþróttaskólinn keppir ekki á neinu móti hvort svo sem innanfélagsmóti eða vinamóti.

Innanfélagsmót

Er haldið á tímabilinu mars til apríl ár hvert. Á því keppa flestir flokkar deildarinnar. A, B, C, D, E, F og G flokkar. A og B flokkar keppa eftir alþjóðlegum reglum FIG, C flokkar keppa í 3. þrepi Íslenska fimleikastigans, D flokkar keppa í 4. þrepi Íslenska fimleikastigans, E flokkar keppa í 5. þrepi Íslenska fimleikastigans, F flokkar keppa í 5-6. þrepi og G flokkar keppa í Bjarkarstiganum. A, B, C, D og E flokkar keppa til verðlauna í einstaklingskeppni. F og G keppa ekki til verðlauna æfingar þeirra eru dæmdar og niðurstöður notaðar líkt og stöðupróf fyrir komandi vetur. H, I og J flokkar keppa í hópfimleikum en ekki til verðlauna. Ávallt fá allir þátttakendur viðurkenningaskjal fyrir þátttöku. Ekki er keppt í almennum fimleikum eða þolfimi á innanfélagsmóti.

Vinamót
Vinamót eru milli félaga og er aðalmarkmið þeirra að kenna nemendum að keppa og gefa þeim tækifæri í að sýna æfingarnar. Oftast eru vinamótin í 6. þrepi íslenska fimleikastigans.
A og B flokkar
C, D og E flokkar
F flokkar

FSÍ mót
Fimleikasamband Íslands heldur mót í Íslenska fimleikastiganum, frjálsum æfingum, hópfimleikum, þolfimi og almennum fimleikum. Nauðsynlegt er að vera orðin 9 ára til þess að öðlast keppnisrétt á FSÍ mótum. Markmið A og B flokkar C, D og E flokkar.

Jólasýning
Jólasýning er haldin í lok desember. Jólasýning er seinasta æfing fyrir jólafrí og lok haustannar fyrir E, F, G, J, K flokka.

Vorsýning
Vorsýning skal haldin eftir miðjan maí.

Útivistadagur
Síðasta kennsludag á hvorri önn er foreldradagur og sýning. Á hvorri önn er skipulagður útivistardagur auk þess er starfið brotið upp einu sinni yfir önnina og eitthvað óvænt gert til tilbreytingar. Nemendum stendur einnig til boða að taka þátt í öðru skipulögðu félagsstarfi á vegum félagsins.

Foreldrafundur
Foreldrafundir skal haldinn sameiginlegur fyrir fimleikadeildina í október og febrúar ár hvert. Kynnt er starf stjórnar, foreldrafélags og þjálfara. Í lok er skipt í hópa eftir flokkum.